From: မင်းသွေး သစ် <lwinpyin.9@gmail.com>
Date: 2013/3/6
Subject: ကျောက်တန်းမြို့နယ်လူထု၏ဆန္ဒပြပွဲတွင်ဗကသများအဖွဲ့ချုပ်ပါဝင်ကူညီ
To:
ကျောက်တန်းမြို့နယ်အထွေထွေအုပ်ချုပ်ရေးမှူး၏ကျေးရွာအုပ်ချုပ်ရေးမှူးပြန်လည်ရွေးချယ်ရန်ညွှန် ကြားချက်အား မကျေနပ်ကြသည့် ရွာသူ/သားများ၏ဆန္ဒဖော်ထုတ်ပွဲကို ယမန်နေ့(၄.၃.၂၀၁၃)တနလာင်္နေ့ နံနက်(၁၀)နာရီမှ(၁၁)နာရီ၄၅မိနစ်အထိ ကျောက်တန်းမြို့တွင် ပြုလုပ်ခဲ့ကြသည်။လူ၄၀၀ကျော်တက်ရောက်ပါ ၀င်ခဲ့ကြပြီး ရန်ကုန်တောင်ပိုင်းခရိုင်ကျောင်းသားများသမဂ္ဂမှလည်းတက်ရောက်ပါဝင်ခဲ့ကြပါသည်။ု
လူထုစိတ်ကြိုက်ရွေးကောက်တင်မြှောက်ထားသော ကျေးရွာအုပ်ချုပ်ရေးမှူးများကို ယခင်အုပ်ချုပ်ရေး မှူးနှင့်အပေါင်းအပါများက အကြောင်းမရှိအကြောင်းရှာကာ ကျောက်တန်းမြို့နယ်အထွေထွေအုပ်ချုပ်ရေးမှူး အားကန့်ကွက်စာများပေးပို့ခဲ့သဖြင့် ကျောက်တန်းမြို့နယ်အုပ်ချုပ်းရေးမှူးမှ ကျေးရွာအုပ်ချုပ်ရေးမှူးပြန်လည် ရွေးချယ်ပွဲပြုလုပ်ရန်ဆုံးဖြတ်ချခဲ့သဖြင့် သက်ဆိုင်ရာကျေးရွာရှိ ရွာသူ/သားများက အဆိုပါဆုံးဖြတ်ချက်ကို မကျေနပ်သည့်အတွက် (၂.၃.၂၀၁၃)တောင်သူလယ်သမားနေ့တွင် ငြိမ်းချမ်းစွာဆန္ဒဖော်ထုတ်ခွင့်တင်ခဲ့ရာ ကန့်သတ်ဦးရေ(၂၀၀)ဖြင့်(၄.၃.၂၀၁၃)နံနက်၁၀နာရီမှ၁၁နာရီအထိခွင့်ပြုချက်ကျခဲ့ပါသည်။ဆန္ဒထုတ်ဖော်ရန် လူဦးရေ၂၀၀ခန့်သာကျခဲ့သော်လည်း ဆန္ဒထုတ်ဖော်ပွဲတွင်သက်ဆိုင်ရာရွာသူ/သားများအပြင် NLDပါတီဝင်များ နှင့်ကျောင်းသားများဝန်းရံပါဝင်ခဲ့ကြသဖြင့် ဆန္ဒပြအင်အား၄၀၀ကျော်ခဲ့ပါသည်။ဆန္ဒပြသူများသည် မနက်၁၀နာ ရီတွင်ကျောက်တန်းမြို့မင်းကျောင်းလမ်းမှ စတင်ထွက်ခွာ၍ ကျောက်တန်းမြို့နယ်တရားရုံး ကျောက်တန်းမြို့ နယ်ရဲစခန်း ကျောက်တန်းမြို့နယ်အထွေထွေအုပ်ချုပ်ရေးမှူးရုံးတို့အား စီတန်းလှည့်လည်၃ကြိမ်ပတ်ခဲ့ကြပြီး ကြွေးကြော်သံများကြွေးကြော်ကာ`ပြည်သူ့ဆန္ဒအမှန်ဖော်ပေးရေး´`ကျေးရွာအုပ်ချုပ်ရေးမှူးရွေးချယ်မှုအမှန်တရားပေါ်ပေါက်ရေး´`ပြည်သူရွေးချယ်ထားသောအုပ်ချုပ်ရေးမှူးအားအတည်ပြုပေးရေး´စသည့် ပိုစတာများကိုင် ဆောင်၍ကြွေးကြော်သံများကြွေးကြော်ခဲ့ကြသည်။ယခုဆန္ဒပြပွဲသည်ကျောက်တန်းမြို့နယ်တွင်ပထမဆုံးအကြိမ် ဆန္ဒဖော်ထုတ်ပွဲဖြစ်ပြီး ကျွန်ုပ်တို့ ဗကသ များအဖွဲ့ချုပ် မှကျောင်းသူ/သူများက ရွာသူ/သားများအား ရုံးပိုင်းဆိုင် ရာကိစ္စများ၊သတင်းမီဒီယာများအားချိတ်ဆက်ပေးခြင်းများဖြင့်လူအင်အားပံ့ပိုးပါဝင်ကူညီပေးခဲ့ကြပါသည်။
ရန်ကုန်တောင်ပိုင်းခရိုင်ကျောင်းသားများသမဂ္ဂ
ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ်
No comments:
Post a Comment
ဝေဖန်အကြံပေးနိုင်ပါသည်